'புஷ்பா'வின் 'ஸ்ரீவள்ளி'யான ராஷ்மிகா : வெளியான ஃபர்ஸ்ட் லுக் - புஷ்பா திரைப்படம்

அல்லு அர்ஜூன் நடிப்பில் உருவாகிவரும் 'புஷ்பா' படத்தில், ராஷ்மிகா மந்தனாவின் கதாபாத்திர ஃபர்ஸ்ட் லுக் போஸ்டர் வெளியாகியுள்ளது.

rashmika

Published : Sep 29, 2021, 12:33 PM IST

'ரங்கஸ்தலம்' பட இயக்குநர் சுகுமார் இயக்கத்தில் உருவாகி வரும் 'புஷ்பா' படத்தில் தெலுங்கு நடிகர் அல்லு அர்ஜூன் நடித்து வருகிறார். பெரும் எதிர்பார்ப்புகளுக்கு மத்தியில் இப்படம் உருவாகி வருகிறது.

'புஷ்பா' படத்தில் அல்லு அர்ஜூனுக்கு ஜோடியாக ராஷ்மிகா மந்தனா நடிக்க ஒப்பந்தம் செய்யப்பட்டுள்ளார். தமிழ், தெலுங்கு, மலையாளம், கன்னடம், இந்தி என ஐந்து மொழிகளில் உருவாகும் இப்படத்தை மைத்ரி மூவி மேக்கர்ஸ் நிறுவனம் தயாரிக்கிறது.

தேவி ஸ்ரீ பிரசாத் இசையமைக்கிறார். கரோனா பரவல் காரணமாக நிறுத்தி வைக்கப்பட்டிருந்த படப்பிடிப்பு கடந்த சில மாதங்களாக முழு வீச்சில் நடைபெற்று வருகிறது. புஷ்பா படத்தில் வில்லன் கதாபாத்திரத்தில் நடிக்க மலையாள நடிகர் ஃபகத் பாசில் ஒப்பந்தம் செய்யப்பட்டார்.

சமீபத்தில், பன்வார் சிங் ஷேகாவாத் (ஐபிஎஸ்) கதாபாத்திரத்தில் மொட்டைத் தலையுடன் ஆக்ரோஷமான பார்வையுடன் ஃபகத் பாசில் இருக்கும் போஸ்டர் வெளியாகி ரசிகர்கள் மத்தியில் வரவேற்பை பெற்றது.

இந்நிலையில், இன்று (செப்.29) 'புஷ்பா' படத்தில் ராஷ்மிகா மந்தனா, 'ஸ்ரீவள்ளி' கதாபாத்திரத்தில் நடிக்கும் ஃபர்ஸ்ட் லுக் போஸ்டர் வெளியாகியுள்ளது. போஸ்டரில் ராஷ்மிகா நிகழ்ச்சி ஒன்றில் கலந்து கொள்ள தயாராவது போன்று காணப்படுகிறார்.